موضوعى عن الاعجاب والحب
اكيد كل واحد مننا مر فى حياتة شخص اعجب بة وكان مفكر انه بيحبه
لكن فية فرق بين الاعجاب والحب
الاعجاب
اعجاب بشخص معين ممكن تعجبك طريقه كلامه او طريقه تفكيره او خفه دمه او نظرته للحياة او تعجب بمظهرة اولشخصيته القويةوبالتالى بتشوف الكثير من مميزاته فبيحصل شعور قوى داخلك انك عاوز تتعرف عليه اكترومن هنا ممكنتخلط بين الاعجاب وبين الحب
ولكن اللى لازم نعرفه ان الاعجاب ده ممكن يكون مرحله من مراحل الحب الحقيقى
والاعجاب ممكن يكون فى حياتنا العامه يعنى ممكن ان نعجب بشخصيه معروفه فى المجتمع وبالتالى ممكن ان نعجب باكثر من شخص فى وقت واحد
واحيانا يتوهم الشخص عندما يحس بشعور الاعجاب تجاه شخص اخر ويظل يهتم بهذا الشعور حتى تصل لمرحله انك تتخيل شى وهمى فى عقلك وتتخذ بناء عنه خطوه مش فى فمكانها
..........الحب الحقيقى........
اجمل احساس ممكن تحسه او تعيشه فى حياتك وهو عباره عن شعور بتحسه ناحيه شخص معين ومتعرفش ايه السبب لانها غريزه وضعها الخالق فى قلوبناوبتقدر انك تعبر عنها فى حرفين بس هم ح ب
وعشان تتاكد ان حبك ده حب حقيقى مش مجرد اعجاب وخلاص لازم تمر بجميع مراحل الحب الطبيعيه
الانجذاب العاطفى
ان انت مجرد انك تحس انك منجذب للشخص ده وحاسس انك بتهتم بيه وبتهتم تعرف اخباره اكتر من اى حد تانى
بدايه الحب.........
تصل الى انك ترى الشخص اللى قدامك اجمل انسان فى الوجود ويزيد اعجابك بيه فى هذه الفتره وبيختلط فى هذه الفتره احاسيس اخرى بالاضافه الى الاعجاب زى الاشتياق يعنى انك تكون لسه كنت معاه وتحاول انك تشوفه تانى وتبقى مش قادر تبعد عنه وعايزه يبقى معاك على طول
وهتلاقى فى الفتره دى بتحاول تخلط المواقف اللى تجمعكوا ببعض وتلاقيك بتستنى حتى الصدف اللى تجمعكوا
يعنى عاده فتره بدايه الحب بتبقى قمه فى الرومانسيه وبعيده عن الواقع ومشاكله وعيوبه
الاشتياق
فترة عصيبة انك تكون مشتاق ان ترى هذا الشخص لكن لاتوجد اسباب لتراة
(الحب الحقيقى)
فى هذه المرحله بتهدا المشاعر داخلنا وتصبح انسان ناضج تقدر تفكر بعقلك مع قلبك وهتشوف بجد حقيقه الشخص الى قدامك بمزاياه وكمان عيوبه
هيحصل فى المرحله لحظات فرح كتيير ولكن هتظهر لحظات الزعل من الشخص اللى معاك لما تحط ايدك بجد على عيوبه لكن طبعا هتحاول من جواك انك تعديهاواكيد هيحصل بينكوا خناقات لكن متخافوش فى المرحله دى بتبقى دليل على الحب الحقيقى
واذا قدر كل واحد فيهم انه يتحمل عيوب اللى قدامه ويقدر انه يمتصها ويخليها تبقى مجرد لحظات وتعدى وكانها لم توجد هو اللى هيقدر يحافظ على حبه
ولو الواحد قدر يمر بالمراحل دى فى حبه فانشاء الله الحب ده حب حقيقى ميه فى الميه
وعلى فكره ممكن انك تلاقى الحب الحقيقى فى حياتك وممكن متصادفهوش فى حياتك وتنتهى العلاقه عند اى مرحله من هذه المراحل وممكن يحصل انك تكمل حياتك مع شخص لم تمر معه بهذه المراحل وقد تنجح وقد تفشل
على فكرة الحب الحقيقى سهر وتفكير وعدم نوم وسهيان وسرحان ..وحجات كتير ممكن تبعدك عن المذاكرة...
الدراسة اولا
يارب كل واحد فينا يلاقى الحب الحقيقى